Arnold Kola, 22 vjeçari që i mori jetën një polici dhe la të plagosur dy të tjerë si pasojë e drejtimit të mjetit me shpejtësi dhe në gjendje të dehur ka dalë sot para gjykatës. Mësohet se është shfaqur i penduar në sallën e gjyqit, ku u njoh me masën e sigurisë “arrest me burg”. Avokati i tij duke folur për mediat pas seancës tha se “nuk kemi asnjë pretendim për veprimet e policisë apo gjykatës”. Më tej ai shtoi se “ngjarja ishte një fatkeqësi nga pakujdesia dhe klienti im kërkoi ndjesë, u pendua”.
Prokuroria kishte kërkuar një ditë më parë masën e arrestit me burg për Kolën. 22 vjeçari rezultoi se kishte qenë nën efektin e alkoolit kur ka aksidentuar policët e Kamzës. Ngjarja ndodhi mbrëmjen e së dielës në Bulevardin Blu të Kamzës. Arnold Kola aksidentoi për vdekje efektivin e policisë Ervin Haxhiaj, 41 vjeç, babai i tre fëmijëve. Të plagosur mbeten efektivët e tjerë Besmir Voji dhe Neil Hoxha.
Akuzat që rendojnë ndaj tij janë: “shkelje rregullave te qarkullimit me pasoje vdekjen nje here dhe plagosjen dy here” dhe “drejtim mjeti ne menyre te parregullt”. Per akuzen e pare, parashikohet denimi 5 deri 20 vite burg, dhe per akuzen e dyte parashikohet denim deri ne tri vjet.
