Rajoni

Aksidenti në Bullgari/Ekspertiza:Autobusi nuk ishte me shpejtësi, ja si ra zjarri


Bëhu pjesë e Grupit Zyrtar të Opinion.al
>> KËTU <<
               Publikuar në : 16:57 - 30/11/21 |
Opi Nion

Në ekspertizën e parë për tragjedinë në Bullgar, autoritet në Sofje kanë konstatuar se rruga kishte mani, por shkaktar për vdekjen e 45 udhëtarëve ishte zjarri në autobus. Konstatohet gjithashtu vonesa prej 6 muajve për vënien e sinjalistikës së trafikut në autostradën famëkeqe të Strumës.

Ministrja Komitova tha se inspektimi ka detektuar edhe probleme në infrastrukturën rrugore, që mund të kenë ndikuar në shkaktimin e aksidentit, por që vdekja e viktimave ka ardhur nga zjarri në autobus. Për shkaktarët e shpërthimit të zjarrit në autobus, prokuroria bullgare do të bëjë ekspertizë plotësuese.

Përplasja nuk ka qenë me shpejtësi të madhe, por ka rënë zjarr. Kemi një ngjarje shumë të çuditshme – zjarri, që mendoj se është shkaku kryesor i viktimave. Nuk kemi shpjegim se si saktësisht është djegur ky autobus. Ajo që mund të bëjë Ministria jonë si masa afatshkurtra është zëvendësimi i sinjalistikës rrugore dhe zvogëlimi i shpejtësisë maksimale nga 120km/h sa ishte në 90 km/h sipas projektit fillestar të 2002”, deklaroi Violeta Komitova, ministre e Zhvillimit Rajonal dhe Punëve Publike.

Sipas Këshillit të sigurisë kombëtare ai aks rrugor në projektin fillestar nuk figuron si autostradë, por rikonstruim i rrugës magjistrale. Kreu i këtij Këshilli Ivan Shishkov tha se për disa arsye gjatë 2013 në këtë rrugë shpejtësia u rrit në 120 km/orë. Ata kanë propozuar vënien e sinjaleve ndriçuese në çdo pikë pushimi në aksin rrugor të Sofje-Dupnica, ndërkaq rivendosja e parmakëve të ketë standardin e fundit.

Parmakët anësore të autostradës që goditi autobusi janë të vjetra sipas standardit të 2002-ës dhe nuk i plotëson normat e sigurisë aktuale në trafikun rrugor. Ajo që na shqetëson është se në vetë projektin kthesat e tërthorta të rrugës janë pak mbi 4%, që do të thotë se shpejtësia duhet të jetë 90 km/h. Shpejtësia më të madhe, automjetet devijojnë majtas dhe në rast aksidenti autobusi ka shkuar djathtas”, tha Ivan Shishkov, Kreu i Këshillit të Sigurisë Kombëtare.

Ky raport i është dorëzuar Prokurorisë Publike, të cilët janë në pritje edhe të ekspertizave të tjera teknike mbi autobusin. Sipas dëshmive të dhëna në prokurori autobusi nga goditja në parmakun e pushimores së autostradës në cepin e parë djathtas ka shkaktuar një ndezje zjarri, duke u djegur i gjithë autobusi brenda 10 minutash, ku si pasojë humbën jetën 45 qytetarë, më mesin e tyre 12 fëmijë. Prokuroria, përveç faktorit njeri po heton edhe shkaqet e lëndëve të dyshimta ndezëse në autobus që mund të kenë shndërruar aksidentin në tragjedi./Alsat.mk

Pas