Një aksident i rëndë ka ndodhur ditën e djeshme në Moravë, Berat ku për pasojë humbi jetën drejtuesi i njëri prej automjeteve të përfshira në këtë ngjarje.
Sipas asaj që bëjnë të ditur uniformat blu është bërë i mundur arrestimi i 31-vjeçarit i cili drejtonte automjetin tjetër.
“Specialistët e Sektorit për Qarkullimin Rrugor arrestuan shtetasin F. P., 31 vjeç, banues në Berat, pasi ditën e djeshme, në fshatin Moravë duke drejtuar automjetin e tij, u përplas me automjetin që drejtonte shtetasi E. I., 50 vjeç, banues në Berat, i cili si pasojë e dëmtimeve ndërroi jetë”, njofton policia.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
