Shqipëria u trondit mëngjesin e sotëm nga një aksidenti i rëndë të ndodhur në aksin rrugor Fier-Vlorë. Në këtë aksident humbën jetën 4 persona të së njëjtës familje, teksa mbetën të plagosur tre të tjerë.
Lidhur me këtë ngjarje ka reaguar nëpërmjet një postimi në “Facebook”, ministrja Elisa Spiropali. Ajo shkruan se përgjegjësit meritojnë ndëshkimin maksimal dhe thekson se për ngjarje të tilla duhet hetim dhe drejtësi deri në fund.
“Ngjarja e rëndë në aksin Fier-Vlorë është VRASJE, dhe meriton ndëshkim maksimal. Hetim dhe drejtësi deri në fund, për të gjitha rastet. Asnjë tolerim për çdo shkelje rrugore, sidomos për çdo tejkalim shpejtësie. Mbi gjithçka, ndërgjegjësim, në familje, në shkollë, kudo. Jeta s’ka çmim! Jeta është e shenjtë! Shpirtrat e tyre u prehshin në paqe”, shkruaj Ministrja.
Në aksident humbën jetën Eduart Gushi 44 vjeç, bashkëshortja e tij Silvana 33 vjeçe dhe dy vajzat e çiftit, Anastasia dhe Eva, 14 dhe 9 vjeçe. Familja sapo ishte kthyer nga Greqia dhe ishte duke shkuar me pushime në bregdet, kur makina e tyre u përplas nga Audi, në timonin e së cilës ndodhej 22-vjeçari Igli Madani. Ky i fundit u arrestua nga policia. /Opinion.al
