28-vjeçari Edision Lazri, shoferi i mjetit tip Benz me targa angleze është arrestuar pasi mjeti që ai drejtonte është përplasur mbrëmjen e djeshme me një mjet tjetër tip Benz në rrugën e Arbrit, duke lënë të vdekur tre persona dhe të lënduar katër të tjerë.
Aksidenti ndodhi rreth orës 18:15, në aksin rrugor Bulqizë-Maqellarë në urën e fshatit Gjoricë. Automjeti që drejtonte 28-vjeçari është përplasur me automjetin që drejtohej nga një 55-vjeçar, banues në Maqellarë.
Si pasojë e aksidentit humbën jetën Lulzime Istrefi, Murat Istrefi dhe Kujtim Istrefi, nga e njëjta familje. Kurse, të plagosur mbeten Mërgim Lazri 25 vjeç, Edison Lazri 20 vjeç, Kadrie Markeçi dhe Firuze Istrefi 56 vjeç.
