Një ditë pas aksidentit fatal ku vdiq një efektiv policie dhe dy të tjerë u plagosën, mediat kanë arritur të marrin dëshminë e njërit prej të plagosurve.
Besim Voji ka treguar momentet e aksidentit: “Nuk mban mend shumë nga ngjarja, po së sëbashku me shokët Ervin Haxhiu dhe I. Hoxha ishim duke patrulluar me makinë, kur furgoni i policisë u trondit. Kemi qenë duke ecur kur morëm një goditje të fuqishme nga mbrapa. Nuk e kuptuam kur dhe si na erdhi goditja. Furgoni ynë pësoi dy rrotullime në vend. Kur më nxorrën nga makina e policisë, pashë dy kolegët e shtrirë,” u shpreh polici për televizionin “INTV”.
Ngjarja
Aksidenti ndodhi mbrëmjen e së shtunës rreth orës 20:30 në Bulevardin Blu në Kamëz. Autori është Arnold Kola, djali 22 vjeçar i biznesmenit Ndue Kola,(i ish-deputetit i PS për Pukën). Ai udhëtonte me automjetin e tij fuoristradë “Lexus” me 150 km/orë. Kola ka përplasur furgonin e policisë të komisariatit nr.5 që patrullonte me 20 km/orë. Në furgon udhëtonin tre efektivë, njëri prej të cilëve humbi jetën si pasojë e goditjes së fortë. Ervin Haxhiu 42 vjeç është viktima, ndërsa të plagosurit Besmir Voji dhe Ismail Hoxha.
Djali i ish-deputetit socialist nuk ka pësuar lëndime, dhe është shoqëruar në komisariatin e policisë ku po merret në pyetje.
Lamtumira
Sakaq, policia njofton se sot ne 12. 30 do zhvillohet ceremonia e lamtumirës së punonjësit të policisë Inspektor Ervin Haxhiu, i cili humbi jetën në krye të detyrës me datë 25.09.2016.
Ceremonia do zhvillohet ne ambjetet e Komisariatin Nr 5 ne Kamez.
Pas homazheve, kortezhi do levize ne drejtim te varrezave ne Thumane.
/Opinion.al
