Një aksident ka ndodhur mesditën e sotme në kryeqytet. Mësohet se një 21-vjeçar ka aksidentuar shtetasen M.L, 20 vjeç me automjetin e tij. Ngjarja ka ndodhur në afërsi të Universitetit të Shkencave, te Bulevardi “Zogu i Parë”. E lënduara është transportuar për në spital dhe ndodhet nën kujdesin e mjekëve. Sh. Halili, 21-vjeç është shkaktari i këtij aksidenti dhe po merret në pyetje nga policia.
Njoftimi:
Tiranë
Informacion paraprak.
Me datë 12.04.2018, rreth orës 14:30, në Sallën Operative ka ardhur një telefonatë se në Bulevardin “Zogu i Parë”, ka ndodhur një aksident.
Menjëherë në vendngjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në Bulevardin “Zogu i Parë” pranë Fakultetit të Shkencave të Natyrës mjeti me targë AA 950 OM, me drejtues shtetasin Sh.Halili, 21 vjeç, ka aksidentuar një këmbësore shtetasen M.L., 20 vjeçe, e cila u transportua në spital dhe ndodhet nën kujdesin e mjekëve.
Grupi hetimor po kryen veprimet për zbardhjen e plotë të aksidentit ndërsa drejtuesi i mjetit është shoqëruar në Komisariatin nr 3 për veprimet e mëtejshme.
