Një aksident i rëndë ka ndodhur në orët e para të mëngjesit të kësaj të enjteje në aksin rrugor Sarandë-Ksamil.
Sipas News 24, një motor, ku udhëtonin dy shtetas italinë u përplas me një automjet pranë Manastirit.
Sipas të dhënave paraprake, dyshohet se dy turistët italianë kanë humbur jetën.
Ndërsa në spital kanë mbërritur edhe dy persona të plagosur. Raportohet se të plagosurit janë të dy banues në Sarandë, 16-vjeçari M. R. dhe 17-vjeçari E. Rr.
Shkaqet e aksidentit janë ende të paqarta, teksa policia po heton për zbardhjen e dinamikës së ngjarjes.
