Një aksident ka ndodhur pak minuta më parë në kryeqytet. Paraprakisht është bërë e ditur se në rrugën Hoxha Tahsim, një automjet me drejtuese shtetasen Xh.N., 26 vjeçe, ka humbur kontrollin dhe ka dalë nga rruga.
Për pasojë, 26-vjeçarja ka aksidentuar dhe ka lënë të dëmtuar një çiklist dhe një këmbësor. Mësohet se dy personat e lënduar, identiteti i të cilëve nuk është bërë i ditur, po marrin ndihmë mjekësore në spital dhe ndodhen nën kujdesin e mjekëve.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
