Një aksident i rëndë ka ndodhur mëngjesin e sotëm në superstradën Lushnje-Rrogozhinë. Sipas të dhënave mësohet se një automjet tip “Benz”, ka dalë nga rruga dhe si pasojë ka mbetur e plagosur një vajzë 8-vjeçe.
Sipas policisë, mjeti tip “Benz” me targa TR 6070M i drejtuar nga shtetasi Marindo Rona, i cili udhëtonte drejt Tiranës ka dalë nga rruga për rreth 200 metra në çakull, përbri karrezhatës dhe është përplasur në muret e betonit të një nenkalimi.
Mësohet se e lënduara Maria Jaupaj, ka marrë plagë të rënda në trup. Sipas policisë, aksidenti ndodhi pasi drejtuesi i mjetit ishte i përgjumur dhe kjo ka bere qe te dale makina nga rruga.Kujtojmë se në orët e para të mëngjesit të sotëm, një aksident i rëndë ka ndodhur në Lezhë, ku humbën jetën 2 të rinj./Opinion.al
