Një 40-vjeçar shqiptar, babai i tre fëmijëve ka humbur jetën në një aksident në Itali. Sipas mediave italiane, Luan Hakrama duke drejtuar makinën tip “Volkswagen Golf”, është përplasur me një automjet tjetër “Mercedes Glc” në komunën Albettone, Vicenza.
Sipas rindërtimit të ngjarjes dy automjetet janë përplasur “kokë më kokë”. Duket se makina e drejtuar nga shqiptari është futur në korsinë e kundërt.
Drejtuesi tjetër, një shtetas italian i cili është plagosur rëndë, është përpjekur të shmangej por pa rezultat. Nga përplasja e fortë 40-vjeçari shqiptar nuk mundi të mbijetojë.
