Një aksident rrugor është regjistruar mëngjesin e sotëm në aksin rrugor Peqin-Elbasan. Policia bën me dije se në vendin e quajtur ”Ura e zezë”, një automjet ka përplasur një biçikletë. Për pasojë ka mbetur i lënduar 56-vjeçari, P. Ç., drejtuesi i biçikletës. Ky i fundit është transportuar në spital, ku ndodhet nën kujdesin e mjekëve.
“Rreth 06:45, në aksin rrugor Peqin-Elbasan, në vendin e quajtur ”Ura e zezë”, automjeti që drejtohej nga shtetasi G. Ç., 27 vjeç, ka aksidentuar biçikletën me të cilën lëvizte shtetasi P. Ç., 56 vjeç. Si pasojë e aksidentit është dëmtuar 56-vjeçari, i cili ndodhet në kujdesin e mjekëve. Me drejtuesin e automjetit po kryhen veprimet e mëtejshme procedurale. Grupi hetimor vijon punën për përcaktimin e rrethanave të aksidentit”-njofton policia./Opinion.al
