Një person ka humbur jetën si pasojë i një aksidenti të ndodhur mbrëmjen e sotme në në aksin rrugor “Gradishtë-Spolat”, në Divjakë.
Mësohet se personi që humbi jetën ishte drejtuesi i automjetit, ndërsa kanë mbetur të plagosur dhe pasagjerët Xh. S., 19 vjeç, R. D., 23 vjeç, F. C., 18 vjeç dhe D. D., 24 vjeç.
Të plagosurit janë transportuar për në spital dhe janë nën kujdesin e mjekësve.
Divjakë / Informacion paraprak
Rreth orës 16:30, në aksin rrugor “Gradishtë-Spolat”, shtetasi L. D., duke drejtuar automjetin tip “Benz” ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë, ka ndërruar jetë drejtuesi i automjetit dhe janë dëmtuar pasagjerët, shtetasit Xh. S., 19 vjeç, R. D., 23 vjeç, F. C., 18 vjeç dhe D. D., 24 vjeç, të cilët ndodhen në spital, nën kujdesin e mjekëve.
Grupi hetimor po punon për zbardhjen e shkaqeve të aksidentit.
