Një person ka humbur jetën dhe dy të tjerë janë plagosur rëndë në një aksident automobilistik të ndodhur mesditën e sotme.
Ngjarja ka ndodhur në aksin Thumanë -Krujë dhe në të janë përfshirë një trajler dhe një makinë tip Opel.
Për pasojë ka ndërruar jetë një shtetase rreth 40 vjeçe ende e paidentifikuar, pasagjere në mjetin tip “Opel”, dhe janë lënduar 2 shtetas, të cilët janë dërguar në spital.
Drejtuesi i mjetit tip “Trajler” është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e ngjarjes. /Opinion.al
