Një aksident ka ndodhur mesditën e sotme në aksin “Qukës-Prresnjas”, ku si pasojë ka humbur jetën një këmbësore.
Mësohet se shtetasin P. K., 62 vjeç teksa drejtonte automjetin e tij ka aksidentuar shtetasen F. M., rreth 70 vjeçe, këmbësore, e cila për pasojë ka humbur jetën.
Ndërkohë shtetasi P. K. u shoqërua në komisariat, për kryerjen e veprimeve të mëtejshme.
“Prrenjas/Informacion paraprak
Rreth orës 12:10, në aksin rrugor “Qukës-Prrenjas”, dyshohet se automjeti me drejtues shtetasin P. K., 62 vjeç, ka aksidentuar shtetasen F. M., rreth 70 vjeçe, këmbësore, e cila për pasojë ka humbur jetën.
Shtetasi P. K. u shoqërua në komisariat, për kryerjen e veprimeve të mëtejshme”, njofton policia.
Grupi hetimor po punon për zbardhjen e rrethanave të aksidentit./Opinion.al
