Dy automjete janë përplasur në aksin Lin-Pogradec pranë fshatit Udënisht.
Mësohet se nga përplasja e dy automjeteve tip “Ford” dhe “Audi”, ka dhe persona të plagosur.
Në zonë nuk janë parë shenja frenimi, gjë e cila bëri që policia të dyshojë se mjeti tip “Audi”, lëvizte me shpejtësi të lartë dhe ka përplasur mjetin tip “Ford”.
Sipas informacioneve, të plagosurit që udhëtonin me mjetin Ford u dërguan në spital për kontroll por nuk kishin asnjë rrezik për jetën.
Në kohë me shi ky aks rrugor ka numër të lartë aksidentesh pasi drejtuesit e mjeteve lëvizin me shpejtësi të lartë duke shkelur rregullat. Policia dhe grupi hetimor po hetojnë mbi aksidentin.
