Një aksident automobilistik i ka marrë jetën një 34-vjeçari në afërsi të rrugës nacionale Gjirokastër-Tepelenë në mesnatë.
Sipas njoftimit të policisë një makinë e tipit Benz, e drejtuar nga 33-vjeçari me iniciale E.H banues në Gjirokastër, ka dalë nga rruga dhe është përplasur me një mur.
Si pasojë e aksidentit ka mbetur i vdekur pasagjeri, 34-vjeçari me iniciale J.L gjithashtu banues në Gjirokastër, ndërkohë drejtuesi i mjetit ndodhet në spital ku po i jepet ndihma mjekësore.
Si shkak i aksidentit dyshohet se drejtuesi i mjetit ka humbur kontrollin si pasojë e shpejtësisë tej normave të lejuara. Në vendngjarje ndodhet grupi hetimor dhe po punon për zbardhjen e plotë të ngjarjes.
Njoftimi i Policisë:
Në mesnatë, në rrugën e lagjes “Gërhot” (në afërsi të rrugës nacionale (Gjirokastër-Tepelenë), automjeti tip “Benz” me drejtues shtetasin E.H., ka dalë nga rruga dhe është përplasur në një mur.
Për pasojë ka humbur jetën pasagjeri që ndodhej në mjet, shtetasi J.L., 34 vjeç, banues në Gjirokastër dhe ka mbetur i plagosur drejtuesi i mjetit, shtetasi E.H., 33 vjeç, banues në Gjirokastër, i cili ndodhet në spital.
Paraprakisht dyshohet se drejtuesi i mjetit ka humbur kontrollin për shkak të shpejtësisë së tejkaluar.
Në vendngjarje shkoi grupi hetimor dhe po punon për zbardhjen e plotë të ngjarjes.
