Një aksident automobilistik i ka marrë jetën një të riu. Ngjarja ka ndodhur rreth orës 04:00 të mëngjesit të sotëm, në vendin e quajtur “Vilu” në Velipojë, tek hidrovori. Viktimë e këtij aksidenti mësohet se ka mbetur 24- vjeçari Elsid Leva, banues në Shkodër.
Mjeti benz veturë me targa AA 325 DH, që drejtohej nga 24 vjeçari ka dalë nga rruga dhe ka rënë në ujrat e Hidrovorit.
Menjëherë në vendngjarje kanë shkuar forcat e policisë, autoambulanca dhe zjarrfikësja.
Shërbimet e policisë dhe të zjarrfikëses kanë ndërhyrë menjëherë duke e nxjerrë nga uji drejtuesin e mjetit, shtetasin Elsid Leva, i cili gjatë rrugës për në spital me autoambulancë ka gjetur vdekjen.
Punonjësit e Policisë dhe zjarrfikësit po punojnë për të nxjerrë automjetin nga uji. Sipas policisë nga aksidenti nuk ka persona të tjerë të dëmtuar.
