Një aksident i rëndë ka ndodhur ditën e sotme në Gjermaninë Lindore, ku një kamion është përplasur me një autobus dhe për pasojë kanë mbetur të plagosur 52 persona.
Sipas policisë, aksidenti ka ndodhur në autostradën A 12 në shtetin e Brandenburgut midis qyteteve Storkoë dhe Fredersdorf.
Policia gjermane tha se 52 persona u plagosën, duke përfshirë 10 prej tyre me lëndime të rënda dhe një nga të plagosurit ndodhet në gjendje kritike për jetën.
Në vendin ku ka ndodhur përplasja, mbërritën 3 helikopterë, ambulanca si edhe forca të policisë për t’i ardhur në ndihmë të plagosurve.
Sipas policisë kamioni i cili po udhëtonte në drejtim të Berlinit, u përplas me njërën anë të autobusit dhe u përpoq të ndryshonte korsinë.
Personeli i policisë polake u vendos në vendngjarje për të ndihmuar të plagosurit./Opinion.al
