Një aksident i rëndë mësohet të ketë ndodhur gjatë ditës së sotme në aksin rrugor Shkodër-Hani i Hotit, në zonën e Vrakës.
Si pasojë e përplasjes së dy makinave me njëra-tjetrën kanë mbetur të plagosur 4 persona.
Sipas informacioneve paraprake një nga mjetet e përfshirë në përplasje ishte një model tip ‘Maserati’ me targa italiane.
Të plagosurit të cilët ndodhen në gjendje të rëndë shëndetësore janë 22-vjeçarja R.M, 25-vjeçari E. Ç, 53-vjçari Gj.I dhe 23-vjeçari E.M.
Mësohet se të plagosurit janë dërguar për trajtim mjekësor në spitalin e Ranojal të Shkodrës.
Policia ka mbërritur në vendngjarje, ndërkohë që nuk dihen ende shumë detaje apo shkakun që ka çuar në përplasje.
Njoftimi i Policisë :
Informacion Paraprak Me datë 04.12.2019, ora 16:10, në aksin rrugor Shkodër-Koplik në vendin e quajtur fshati Vrakë janë përplasur 2 mjete, si pasojë janë dëmtuar rëndë shtetasit: R. M. 22 vjeç, banuese ne qytet Koplik, E. Ç. 25 vjeç, banues ne fshatin Grud Fushe M.Madhe, Gj. I. 53 vjeç, banues ne fshatin Vrake Malësi e Madhe, dhe E. M. 23 vjeç, banues ne fshatin Grud Fushe Malësi e Madhe të cilët ndodhen në Spitalin Rajonal Shkodër. Grupi hetimor po kryen veprimet në vendngjarje për sqarimin e rrethanave të aksidentit./Opinion.al/
