Sociale

Akademia e trajnimit BALFIN,ajo që solli Gjeneralin Wesley Clark në Tiranë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:00 - 12/07/21 |
Opi Nion

Grupi BALFIN është një ndër korporatat më të mëdha në rajon, një ndër vlerat udhëheqëse të së cilit është partneriteti, me fokus afro 6,000 punonjësit e kompanisë. Rritja dhe zhvillimi i vazhdueshëm i burimeve njerëzore është pjesë thelbësore e kulturës së Grupit BALFIN. Për ta dëshmuar qartë këtë, kompania ka ngritur që prej vitit 2016 një Akademi Trajnimesh me synimin që punonjësve të saj t’u sigurohet një zhvillim i vazhdueshëm i njohurive, aftësive dhe vlerave profesionale, në mënyrë që t’u përshtaten ndryshimeve gjatë gjithë karrierës së tyre.

Akademia e Trajnimeve BALFIN fton herë pas here personazhe që kanë një kontribut të veçantë në fusha të ndryshme për të ndarë njohuritë dhe përvojat me punonjësit e Grupit. Së fundmi, i ftuar special ka qenë Gjenerali i njohur Uesli Klark (Wesley Clark), i cili gjatë vizitës së tij në Tiranë mbajti një leksion të hapur në Akademinë e Trajnimeve BALFIN.

I ftuar nga presidenti i Grupit BALFIN, Samir Mane, gjenerali Klark foli mbi  sigurinë, dhe impaktin e COVID-19 në gjeopolitikë dhe ekonomi.

Gjenerali Klark ndau përvojën e tij të gjerë si ushtarak, politikan dhe autor librash. Duke i kujtuar të pranishmëve se sa të rëndësishme janë bashkëpunimi dhe ngritja mbi pengesat, ai tha: “Edhe në kohët më të vështira, njerëzit mund të bëjnë gjëra të mrekullueshme”.

Gjenerali Klark theksoi rëndësinë e inovacionit, gjithëpërfshirjes dhe bashkëpunimit ndërkombëtar, veçanërisht midis të rinjve. “Ju duhet të jeni në gjendje të punoni në një mjedis ndërkulturor. Duhet të jeni të hapur ndaj ideve dhe sfidave të reja dhe duhet t’i hapni Ballkanin botës. Po të shikoj tani dhe e shoh sa shumë të rinj që ka në sallë. Imagjinoj 20-30 vitet e ardhshme të jetës tuaj dhe atë se çfarë mund të arrini. Bota është e hapur për ju, ju duhet të jeni të hapur për botën dhe të shfrytëzoni mundësitë e shumta që ju paraqiten. Dhe jam i sigurt që do ta arrini këtë, këtu te BALFIN”.

Uesli Klark ka qenë Komandant Suprem i Forcave të NATO-s gjatë periudhës së luftës në Kosovë (1999). Ai ka edhe një aktivitet të gjerë politik, ku mund të përmendet kandidimi i tij për president i SHBA në vitin 2003. Gjithashtu, gjenerali Klark është autor i disa librave mbi sigurinë dhe gjeo-politikën.

Grupi BALFIN zotëron një pozicion të suksesshëm në industri të ndryshme në rajon prej tre dekadash. Si i tillë, investon vazhdimisht në zhvillimin e burimeve njerëzore. Kërkesa për përmirësim të vazhdueshëm njihet dhe përmbushet përmes planit strategjik me dy produkte kryesore: Talent Pool dhe Akademia e Trajnimit BALFIN. Akademia e Trajnimit BALFIN është një dëshmi e angazhimit të Grupit BALFIN për programet e trajnimit të punonjësve dhe kulturën proaktive të korporatave.

Pas