Aleanca Kuq e Zi ka zhvilluar një protestë përpara Ministrisë së Shëndetësisë. Me thirrjet “Kuq e zi me plisa ti largojmë këta plisa”, protuestit kanë akuzuar Ministrin Beqja se po e kthen në biznes privat shëndetësinë.
Kryetari i AK, Kreshnik Spahiu tha se, “çdo shqiptar sot duhet të boshatisë xhepat nëpër spitale, duke harxhuar nga buxheti i familjes së tij 25% të të ardhurave, pasi duhet të paguaj çdo mjekë, infermierë, etj. Ata e votuan Ministrin Beqaj dhe Edi Ramën, pasi ata premtuan shëndetësi falas por sot i kanë vënë lakun ne fyt qytetarëve”.
Ai tha gjithashtu se Beqaj e ka vendin në burgun 313 dhe jo në Ministrinë e Shëndetsisë.
