Ajsbergu më i madh në botë po lëviz përsëri dhe është duke u larguar nga Antarktida pasi u çlirua nga një vorbull.
A23a ka një sipërfaqe prej 3,800 kilometra katrorë dhe ka një trashësi prej 400 metrash. Ai u shkëput nga Antarktida në vitin 1986, edhe pse pak më vonë ngeci në det të hapur.
Thellësia e ajsbergut është aq e madhe sa fundi i tij u fut në dyshemenë e Detit Weddell, ku mbeti i palëvizshëm për më shumë se 30 vjet.
Ai nisi të lëviz drejt veriut në vitin 2020, por nga pranvera e vitit 2024 filloi të rrotullohej në vend sepse u bllokua në një vorbullë uji pranë Ishujve jugor Orkney.
Kohët e fundit, ajsbergu i madh ka filluar të lëvizë më në veri.
Shkencëtarët po e vëzhgojnë atë për të parë nëse do të lëvizë përgjatë së njëjtës rrugë që kanë ndjekur ajsbergët e tjerë të mëdhenj jashtë Antarktidës.
Besohet se përfundimisht ai do të largohet nga Oqeani Jugor dhe do të hyjë në Oqeanin Atlantik, ku do të ndeshet me ujëra më të ngrohta.
Gjasat janë që ky ajsberg të ndahet në ajsbergë më të vegjël dhe përfundimisht të shkrihet.
