“Ajo që ndodhi sot është një pasqyrë minimale e asaj që mund të ndodhi në 30 qershor”.
Paralajmërimi është bërë nga ish deputeti i Shkodrës, Bardh Spahia, ishte së bashku me disa mbështetës të opozitës në oborrin e Shkollës se Mesme “Shejnaze Juka”, ku pas disa minuta konfrontimi me forcat e policisë, i vunë flakën njërës prej klasave të katit të parë të shkollës, ku ishte vendosur Komisioni Zonal i Administrimit të Zgjedhjeve të 30 qershorit.
“Ka ditë në fakt që situata në Shkodër është tejet e tensionuar. Ka dy realitet, një palë e cila po kërkon me insistim të zbatohet ligji dhe ka një palë tjetër që funksionon me urdhra politikë. Po sigurisht ne jemi në zbatim të plotë të ligjit, dekreti i presidentit është botuar në Fletoren Zyrtare dhe hedh poshtë atë datë”, tha ish deputeti.
Sipas tij në ambientet e shkollës “Shejnaze Juka” ka patur prezencë të madhe të policisë, që ka futur materialet zgjedhore dhe ata (mbështetësit e opozitës) janë njoftuar nga qytetarët.
“Ishte një situatë lufte e panevojshme, synimi i PD nuk është të sulmojë KZAZ-në nr 2. Absolutisht jo nuk zhvillohen zgjedhjet në Shkodër. Ne jemi njoftuar nga qytetarë për prezencë të policisë tek shkolla. Menjëherë jemi drejtuar me shpejtësi tek shkolla, ku kemi gjetur forca të shumta policie dhe disa qytetarë… Prezenca jonë aty ka qenë për të qetësuar situatën”./ Opinion.al
