Avokati dhe aktivisti, Adriatik Lapaj ka folur në emisionin “Opinion” për protestën e qytetarëve kundër rritjes së çmimeve.
Lapaj tha se organizuesi i protestave kundër rritjes së çmimeve është Këshilli i Ministrive, duke shpjeguar se ai e sheh kështu situatën sepse Kryeministri po nxjerr një teori: “luftë pandemia, luftë në Ukrainë, luftë andej, luftë këtej.
Adriatik Lapaj: Është e rëndësishme që të kuptohet se organizuesi i kësaj proteste është Këshilli i Ministrave i Republikës së Shqipërisë…
Blendi Fevziu: Si Këshilli i Ministrave?
Adriatik Lapaj: Ja, ta them unë. Dhe ata, të cilët duan të pasurohen në kurriz të të pamundurve të këtij vendi. Pse është Këshilli i Ministrave? Është Këshilli i Ministrave sepse Kryeministri po nxjerr një teori “luftë pandemia, luftë në Ukrainë, luftë andej, luftë këtej”.
Blendi Fevziu: Kjo është një krizë botërore për të qenë të vërtetë.
Adriatik Lapaj: Tani, jemi në luftë…
Blendi Fevziu: Jo, nuk jemi në luftë, jemi në prapavijë të luftës.
Adriatik Lapaj: Atëherë jemi në një situatë lufte psikologjike, të gjithë sakrifikojmë për të ia dalë.
