Bota

Administrata e Ushqimit dhe Barnave:Pula e rritur në laborator, e sigurt për t’u ngrënë



Bëhu pjesë e Grupit Zyrtar të Opinion.al
>> KËTU <<
               Publikuar në : 10:49 - 18/11/22 |
Opi Nion

Një produkt mishi, i rritur në një laborator, është përgatitur për konsum njerëzor për herë të parë.

Agjencia amerikane e sigurisë, Administrata e Ushqimit dhe Barnave (FDA), ka dhënë miratimin për pulën e kultivuar me qeliza, pasi bëri një “vlerësim të kujdesshëm”.

Produkti është realizuar nga firma Upside Foods, duke përdorur qeliza të mbledhura nga kafshë të gjalla.

Ai do të mund t’u shitet konsumatorëve pas një inspektimi nga Departamenti Amerikan i Bujqësisë.

FDA tha se përdori të dhënat dhe informacionin e ofruar nga kompania për të marrë vendimin e saj, raporton BBC.

Themeluesja e firmës, Uma Valeti, u shpreh: “Ne realizuam produktin në mes të një bote të mbushur plot me skeptikë dhe sot, ne kemi bërë histori përsëri si kompania e parë që mori përgjigje pozitive nga FDA për mishin e kultivuar”.

Upside Foods do të ketë një sërë pengesash për të kaluar para se të mund të shesë produktet e saj – për shembull, objekti ku prodhohet produkti do të ketë nevojë për miratim zyrtar – por Uma Valeti e quajti lajmin “një moment vendimtar në historinë e ushqimit”.

Disa kompani ushqimore fillestare janë përpjekur të zhvillojnë produkte të ngjashme, të cilat mund të çojnë në kursime të mëdha në emetimet e karbonit dhe ujit, si dhe në lirimin e sipërfaqes së tokës.

Shkencëtarët thonë se presionet në planet mund të bien me më shumë se 80% me ushqime të tilla, krahasuar me dietën tipike evropiane.

Produktet e mishit të kultivuar parashikohet të marrin një pjesë më të madhe të tregut total të mishit në të ardhmen.

Pas