Sociale

Açka kujton 4-vjetorin e vdekjes së të birit: Veç luleve e qirinjve do vendos …


Bëhu pjesë e Grupit Zyrtar të Opinion.al
>> KËTU <<
               Publikuar në : 12:27 - 05/05/22 |
Opi Nion

Deputetja e Partisë Demokratike, Flutura Açka, ka përkujtuar ditën e sotme 4 vjetorin e ndarjes nga jeta të djalit të saj.

Në një status prekës në rrjetet sociale, deputetja shkruan se veç luleve e qirinjve, sot ka për të vendosur pranë fotos së tij edhe librin e ri.

Postimi i plotë

Te kujtimet, e në ç’tjetër gjë mund të mbahemi pa u rrëzuar?

Disa ditë më parë, një mike, e cila kishte humbur vajzën e saj adoleshente në krye të marsit, më pyeti se si ia kisha dalë ta përballoja humbjen e tim biri?

A ia kam dalë?

Nuk ia thashë që kam drojë se nuk ia kam dalë. Koha pas humbjesh të tilla, që të marrë kuptim, siç thotë Hamleti, “del vetëm nga kyçet”. Pa na u shpërbërë ato, nuk e dimë në kemi rrojtur ndonjë ditë si jetimë të fëmijëve tanë.

Pak ditë nga 5 maji i vitit 2018, kur humba tim bir, një mike, e cila sapo më kishte shpjeguar se mezi numëronte ditët për të shkuar te e bija studente në Europë, më pyeti se si e përballoja kohën. I thashë e qetë e pa e fajësuar për shkujdesjen e pyetjes: “Ja, sikurse ti, duke numëruar ditët, por ty të mbarojnë, mua jo!”

Sonte, katër vjet nga lamtumirës me të, veç luleve e qirinjve, kam për të vënë pranë fotos së tim biri edhe librin e ri… e t’i them se…

e kam mbajtur fjalën! Ju lutem, miq, mos shkruani mesazhe ngushëllimi. Faleminderit për mirëkuptimin!

Pas