Gjykata e Korçës ka vendosur masën e sigurisë “arrest me burg” për Kledi Tirollarin, 29-vjeçarin nga fshati Vërdovë i Pogradecit, që akuzohet se ka kryer marrëdhënie seksuale me vajzën e njerkës së tij.
Denoncimi është bërë nga nëna e të miturës pak ditë më parë ndërsa ka qenë 12-vjeçarja e cila në prani të psikologëve ka pranuar se është në një lidhje 2-vjeçare me Tirollarin.
Nderkohë vetë i riu është shprehur përpara gjykatës se “Nuk kam kryer marrëdhënie me 12 vjeçaren, e kam motër”.
Pavarësisht deklaratave mohuese për abuzim seksual nga 29-vjeçari, gjykata ka caktuar ndaj tij masën e sigurisë “Arrest me burg”.
Edhe avokati i 29-vjeçarit kërkoi nga gjykata lirimin e klientit, pasi nuk ka ende një ekspertizë që provon kryerjen e marrëdhënieve seksuale.
Sipas avokatit nëna e vajzës e ka denoncuar këtë rast për shkak të grindjes me bashkëjetuesin.
