Mesfushori shqiptar, Amir Abrashi, thotë se është i nderuar dhe ndjehet krenar që përfaqësoi kuqezinjtë në Euro 2016.
Pasi Portugalia nuk pësoi sot nga Hungaria, Shqipëria mbeti pa shanse për të vazhduar tutje në Euro 2016 dhe mbyll Evropianin e parë me një fitore dhe dy humbje nga Grupi A.
“Dhamë gjithçka nga vetja, por nuk mjaftoi të kalojmë tutje. Ishte nder dhe krenari për mua ta përfaqësoj popullin tim në Kampionatin Evropian. Faleminderit shqiptarë”, ka shkruar njëri nga futbollistët më të dalluar të kuqezinjve në këtë Evropian, raporton koha.net.
