Kreu i AAK-së Ramush Haradinaj është mbrëmjen e sotme në emisionin “Opinion” ku po flet për herë të parë në Shqipëri pas lirimit nga Franca ku u mbajt për tre muaj.
I pyetur nga Fevziu nëse mbajtja e tij kaq gjatë i izoluar kishte lidhje me zgjedhjet Presidenciale në Serbi ku fitoi Vuçiç, ai tha se “ndalimi im ka qenë politik dhe ka dyshime se ka lidhje edhe me zgjedhjet në Serbi”. Sipas tij çdo ndalim e ka forcuar… pasi ka patur mbështetje më të madhe në popull.
Pjesë nga intervista e Haradinajt: Unë shkoja për vizitë në Zvicër me familjen kur u ndalova. Nuk kam pasë asnjë problem me ligjin në asnjë shtet, kam shkuar kudo edhe në Francë. Më ndaluan dhe më dhanë ka një urdhër arresti serb të vitit 2004 dhe që është riaktivizuar. Ne (Kosova dhe Serbia) smund të gjykojnë njëri-tjetrin dhe ndaj u ngrit tribunali i hagës ku unë u shpalla i pafajshëm. Ndaj ndalimi im është i paligjshëm dhe abuziv. Serbët janë rrenca (mashtrues) të mëdhenj… dhe këtë kanë bërë dhe me urdhër-arrestet. Ato janë fiktive dhe duhet të fshihen dhe s’duhet të njihen nga ndërkombëtarët. /Opinion.al
