Jozefina Topalli dhe Arben Imami dolën sot publikisht duke kërkuar që forumet e PD-së të shkarkojnë kryetarin e Partisë pasi ai nuk i përfshiu në listat e deputetëve.
Një nga pyetjet e gazetarëve ishte nëse me qendrimin e tyre po kontribuonin në fitoren e Edi Ramës në zgjedhjet e 25 Qershorit?
Imami u përgjig se vendosëm të reagojmë sot pasi pas 25 qershorit do të jetë shumë vonë.
“Ky është një reagim i përgjithshëm, është një mesazh i qartë: Se Rama nuk rrëzohet kështu!!”
Më pas fjalën e merr Topalli: “Rama është një fatkeqësi e madhe, por ne jemi kundër Bashës Ramës dhe Metës. Nuk mund të sundojnë më vendin këta njerëz”.
Pyetje: Po te ishit ne liste do denonconit te njëjtat gjëra?
Imami: Absolutisht po, ligji eshtë ligj.
Topalli: Kam qënë kundër Bashës që ditën që ka zbrit nga avioni. Nuk e kam mbështetur kurrë , kam pasur rezerva të mëdha. Ja kam thënë privatisht, publikisht. Unë jam shume ndryshe nga Basha. Falenderoj shumë Berishën që na ka mbështetur kur drejtonim PD.
