Kreu i PL-së Ilir Meta, në një konferencë për mediat, këtë të martë është pyetur nga gazetarët nëse po e dëmton bashkëpunimi me Berishën, i shpallur “non grata”, nga SHBA.
Meta tha se bashkëpunimi mes dy liderëve mbetet qendra e gravitetit, ndërsa akuzoi kryeministrin Rama për kontrollin e gjykatave për çështjen e vulës të PD-së.
“Unë jam këtu për të shprehur respektin tim të thellë për parimet e demokracisë. Bashkëpunimi ynë pa asnjë diskutim në vlerësimin tim mbetet qendra e gravitetit për shkak të asaj përkrahjeje që ka të opozitës aktualisht. Vulën këtu e kanë gjykata e Edi Ramës dhe kuptohet që çdo gjë është shumë e sqaruar. Berisha ka rol të rëndësishëm në këtë drejtim, ka përvojën dhe eksperiencën, bashkëpunimi ynë është për të mbrojtur parimet ameriakane që e çuan McGonigal aty ku e çuan”-tha Meta.
