Sërish efektivët e policisë së Kurbinit nuk kanë shkuar në gjyqin po mbahet kundër Armando Prengës, deputetit të PS, në Gjykatën e Lartë. Ata ishin thirrur nga Prokuroria në cilësinë e dëshmitarëve.
Për avokatin e Prengës, Baftjar Rusin, kjo është një shenjë se procesi në Gjykatën e Lartë është duke u zvarritur qëllimisht.
“Është e patolerueshme mungesa e punonjësve të institucionit shtetërore. Po zvarritet procesi gjyqësor” , tha avokati.
Seanca e radhës në për deputetin Prenga është caktuar për në datën 2 qershor. Ai akuzohet për plagosje dhe armëmbajtje pa leje gjatë një konflikt pranë komisariatit të Kurbinit me anëtarët e familjes Cali, konflikt që lindi për të drejtën e shfrytëzimit të Luginës së Patokut për peshkim. Policia akuzon Prengën se ka qëlluar me armë komisariat, por deputeti i mohon këto akuza.
