Në disa media është publikuar një draft-marrëveshje për të kaluar krizën, ku thuhej se është propozuar nga PD. Opinion.al u interesua pranë Partisë Demokratike dhe burimet thanë se nuk ka asgjë të vërtetë.
Sipas burime zyrtare nga PD theksohet se është një “produkt i propagandës mashtruese të Edi Ramës“.
“PD dhe opozita e bashkuar ka publikuar zyrtarisht 10 detyrat e qeverisë tranzitore. Ky është i vetmi qëndrim zyrtar, së bashku me kërkesën e panegociueshme për largimin e Edi Ramës dhe krijimin e qeverisë tranzitore për zgjedhje. Parlamenti dhe qeveria aktuale janë ilegjitime”, thanë burimet për Opinion.al Sot kryeministri Rama pas protestës sërish kërkoi dialog me kreun e opozitës.
DRAFTI I PLOTË QË PO QARKULLON NË MEDIA :
1-Qeveria të pranoj se do shkojmë në zgjedhje të parakohshme parlamentare.
2-Rama të jetë kryeminister deri në momentin që nga KOMPROMISI KOMBETAR vendos se kur do jenë zgjedhjet e parakohshme. Zgjedhjet mund të jenë tetor-nentor 2019 ose mars-prill-maj 2020. Qeveria zgjedhore votohet 70 ditë para se të caktohen zgjedhjet e parakohshme.
3-Të bien dakort për krijimin e Gjykatës Kushtetuese brenda 30 ditëve nga data e Marrëveshjes.
4-Palet t’i drejtohen gjykatës kushtetuese për çvlerësimin e mandatëve të deputetëve dhënë nga KQZ pas djegies së mandatëve dhe rikthimin e deputetëve siç ishin në parlament, pasi është shkelur ligji dhe Kushtetuta në zëvëndësimin e tyre.
5-Të ndryshohet Kodi Zgjedhor dhe të ketë sistem proporcional kombëtar
6-Të ndryshohet Kushtetuta ku të përcaktohet deri në momentin e hyrjes së Shqipërisë si anëtarë në BE të ketë qeveri zgjedhore me mandat katër mujor me ekspertë e jo me politikanë.
7-Prokurori i Përgjithshëm të zgjidhet nga parlamenti legjitim pas vendimit të gjykatës kushtetuese./ Opinion.al
