Shqipëria është zhytur në një ngërç politik që kur opozita vendosi që të djeg mandatet e deputetit në shenjë proteste kundër qeverisë “Rama”.
Në lidhje për situatën politike në vend, ka folur Sekretari i Përgjithshëm i Partisë Demokratike, Gazment Bardhi, i cili është shprehur se deri në këto momente PD nuk ka asnjë komunikim me PS për zgjidhjen e krizës politike.
Bardhi ka theksuar se përsa kohë Edi Rama do të jetë kryeministër nuk do të negociohet për zgjidhjen e krizës.
Po ashtu, Sekretari i Përgjithshëm i Partisë Demokratike, tha se është Rama ai i cili po rrezikon një konflikt civil në vend dhe jo protestat e opozitës.
“Ka zero komunikim me çdo eksponent të qeverisë përfshirë njeriun përgjegjës të situatës që është Edi Rama. Ne nuk po kërkojmë pazar me Ramën, nuk kërkojmë marrëveshje me Ramën. Ne kemi konstatuar fakte të rënda në të cilat ndodhet sot vendi ynë dhe kemi ofruar zgjidhjen politike. Nuk kemi asnjë çështje për të diskutuar. Zero komunikim nga ana e PD-së. Sa kohë ne nuk kemi vullnet dhe dëshirë për të komunikuar me këdo që është përgjegjës për situatën nuk kam nga ta di nëse kanë apo jo ata tentativa për të hyrë në komunikim me përfsaqëuse të PD-së. Sa kohë Rama është kryeministër nuk mund të negociojmë me përfaqësuesin e Niçes dhe bandave kriminale që i thotë vetes kryeministër. Ky është portreti të cilin ne e shikojmë Ramën. Është vijim i aksionit tonë politik të ndërhurur me vendime të rëndësishme politike dhe aksion qytetar. Do të jetë një protestë qytetare. Të dhënat tona flasin për një pjesëmarrje masive, siç keni parë në protestat e tjera kombëtare. Është shumë herë për të folur për detajet dhe mënyrën si do organizohet protesta. Rama nuk është sjellë si kryeministër, duke harruar dhe mohuar rolin dhe përgjegjësinë kushtetuese që ka një kryeministër për të garantuar stabilitetin e vendit. Në kushtet kur Edi Rama ka harruar këtë rol dhe përgjegjësi dhe ka vendosur me kokëfortësi për pushtetin e tij ta çojë vendin drejt kolapsi të thellë institucional mbi të gjitha, por që rrezikon edhe konfliktin civil mes qytetarë gjë që ne deri në këtë moment kemi bërë gjithçka që ta shmangim, por shohim dita ditës që ne po jemi të pafuqishëm për të menaxhuar zemëratën e qytetarëve. Në protestën e fundit ka patur qytetarë që nuk ia janë bindur kërkesave të mia për të mos kryer akte me policinë. Mbaj mend fjalët e një zotëri që ishte rreth 50 vjeç, që më thotë “Edi Rama më ka lënë fëmijët pa bukë dhe nuk ke të drejtë të më heqësh mua të drejtën për të marrë hak”. Njerëzit janë në shesh sepse e shikojnë si betejën e tyre për mbijetesë.Detyrën për të menaxhuar situatën në 30 Qershor e ka Edi Rama. Përgjegjësinë për çfarë ndodh në 30 Qershor nëse Edi Rama vendos të zhdukë pluralizmin politik në Shqipëri e ka Edi Rama. Se çfarë do ndodhë më 30 Qershor nëse me kokëfortësi vendos se në vend të zgjedhjeve siç thotë Kushtetuta se e keni dëgjuar na flet për Kushtetutë. Njeriu që nuk ka lënë nen pa shkelur të Kushtetutës na flet për Kushtetutë . Më gjej një nen në Kushtetutë që thotë zgjedhjet bëhen më 30 Qershor. Presidenti ka shprehur gatishmërinë institucionale për të mos çuar vendin në konflikt civil. Ka thënë “unë në interpretim të Kushtetutës jam i gatshëm të ndryshoj datën e zgjedhjeve”. Njeriu që do ta çojë Shqipërinë në konflikt civil, njeriu që kërkon të nxisë destabilitet në Shqipëri është Edi Rama”, -tha Bardhi./ Opinion.al E.Xh.
