Drejtori Përgjithshëm i Policisë së Shtetit, Muhamed Rrumbullaku i është përgjigjur pyetjeve të gazetarëve, teksa doli në një konferencë për shtyp lidhur me një operacion policorë për trafikun e qenieve njerëzorë.
I pyetur nëse ka emra të tjerë nga radhët e Policisë së Shtetit që janë të përfshirë në ngjarje kriminale, Rrumbullaku u shpreh se SPAK duhet të vazhdojë me hetimet nëse ka elementë apo individë të përfshirë.
“Në raport me hetimin nga Prokuroria e Posaçme nuk ka përplasje dhe përballje me hetime të tilla, të vijojë hetimin nëse ka elementë apo individë të përfshirë, s’kam dijeni për një hetim të tillë. Është referim i Policisë, kërkoj të jeni objektiv me punën dhe kontributin me strukturat policore, për sa i përket rendit dhe sigurisë, gjithsecili prej jush, unë jam i qetë të vazhdoj punën time, cilido sadopak i përfshirë, të gjitha organet e policisë për të cilën vënien para drejtësisë. Bëni balancën me rendin dhe sigurinë”,-tha Rrumbullaku.
