Ministrja e Shëndetësisë dhe Mbrojtjes Sociale, Ogerta Manastirliu i është përgjigjur pyetjes së gazetarëve lidhur me masat kufizuese anti-Covid në vendin tonë.
Disa vende te Evropes jane duke zbutur apo hequr masat, a është Shqipëria e gatshme të heq masat kufizuese përfundimisht?
“Masat në Shqipëri konsiderohen të intensitetit të ulët e mesatar, janë masa elastike, situata po vlerësohet në mënyrë dinamike.
Aktualisht është një situatë që na bën të jemi shumë të kujdesshme në ato hapa që do marrim sa i përket lehtësimit të masave.
Sot jemi mbi 18 mijë raste aktive që janë në masën 98% me variantin e ri Omicron dhe situata në spitale e qëndrueshme.
Jemi duke e monioruar çdo ditë ecurinë e situatës e bazuar mbi të do merren dhe vendimet, por është herët për të shpallur fitoren ndaj virusit dhe të marrim vendime bazuar në situatë dhe indikatorët, qoftë infektimeve, qoftë shtrimeve qoftë dhe humbjeve të jetës”-tha ministrja Manastirliu.
