ELBASAN- Kryetari i PS-së Edi Rama ka nisur një tur në bazë. Si fillim ai është ndalur në qarqet e Korçës dhe Elbasanit. Gjatë ditës së djeshme zhvilloi takime me kryetarë të bashkive dhe drejtorë rajonalë.
Në këto takime mungonin 3 deputetë mes tyre Ben Blushi. Po kështu as Bashkim Fino dhe Luljeta Arapi nuk ishin krah Ramës në zonat e tyre.
Takimet kanë pasur në në fokus strategjinë elektorale të PSsë për zgjedhjet e 2017s. Mësohet se Rama u ka bërë thirrje strukturave partiake të shtojnë anëtarësinë si dhe të mbyllin zgjedhjet deri në janar,kohë kur zhvillohet edhe kongresi zgjedhor i Partisë Socialiste.
Mungesa e deputetit të PS për Elbasanin, Ben Blushi është ajo që po komentohet më së shumti sot. Lind pyetja: A është përjashtuar Blushi nga PS?
