Një grua në portalin Netmums, kohët e fundit hodhi një pyetje, bashkë me një shqetësim që u bë viral në pak minuta në: pse unë duhet të vesh reçipeta në punë?
Në një postim të fundit, një shkrim me titull: “A mund të futem unë në probleme nëse zgjedh të mos vesh reçipeta në punë”, një komentuese u shpreh se është jo e përshtatshme diçka e tillë në një ambient pune. Por, ndërkohë autorja e shkrimit u shpreh se nuk po e krijonte të gjithë këtë situatë për vëmendje, duke dhënë njëherësh edhe argumentat e rastit. “Është viti 2018-të! Nëse dikush pushohet nga puna pikërisht për këtë motiv, kjo mund të jetë diskriminuese për femrat sipas ligjit aktual”, u shpreh Hayeley Johnson, një bashkëpunëtore e lartë në ligjin e punësimit. Por, cilat janë të drejtat e grave në këtë pikë? A mund të shkarkohesh vërtet nga puna vetëm sepse nuk vesh reçipeta?
Disa përdorues shumë të ndërgjegjshëm të Netmums u përgjigjën në këtë postim origjinal duke thënë se ata ishin të shqetësuar për efektin e qëndrueshëm në politikat e veshjes nëse gratë mund të shkonin në punë pikërisht me këtë zgjedhje. Njëra sugjeroi se njerëzit mund të shkonin për të punuar edhe lakuriq…Gjithçka është zgjedhje personale. Por, Johnson thotë se çdo rast duhet të trajtohet me arsyetim të shëndoshë: “Nëse një grua ka veshur një bluzë, por pa reçipeta, kjo mund të jetë problem,” thotë ajo.
Ndërsa reçipetat nuk duhet të jenë të neveritshme, punëdhënësit mund të jenë. Pasi Nicola Thorp, një recepsioniste në Priceëaterhouse Coopers, humbi një rast historik kundër kompanisë në gjykatë, e cila e dërgoi në shtëpi vetëm se nuk kishte veshur reçipeta, qeveria lëshoi udhëzime rreth kodeve të veshjes. Por, Johnson argumenton se nuk është e vlefshme letra në të cilën është shkruar: “Ata thanë që ju duhet të shmangni dallimin midis asaj që burrat dhe gratë mund të veshin, edhe pse është kaq e vështirë”. Megjithatë, Johnson thotë se ajo mund të marrë përsipër rastin e përdoruesit të Netmums dhe të fitojë vetëm në rast se nëse punëdhënësi i gruas e detyroi atë që të vesh me doemos reçipeta. “Rregulli themelor është se nëse kërkon që gratë të vishen në një mënyrë më të vështirë se burrat, ky është diskriminim”, thotë ajo. “Nëse një mashkull vjen në punë pa të brendshme, a do të dërgohej në shtëpi? Unë mendoj që jo”, thotë ekspertja e ligjit.
Johnson thekson se prezantuesi televiziv Richard Madeleno ka bërë shaka kur u shpreh publikisht se nuk dëshironte të vishte pantallona gjatë kohës së punë. “Do të ishte jashtëzakonisht e rrallë që një njeri të dërgohej në shtëpi ose të disiplinohej për këtë gjë. Si një shoqëri e prirur drejt hapjes dhe emancipimit, ne duhet të mbyllim fillimisht kokat tona rreth faktit se ne nuk duhet të bëjmë më shumë kërkesa të vështira për gratë, por që realisht vazhdojmë t’i bëjmë, sidomos punëdhënësit”.
