Historia dhe rapsodia shqiptare rendit një sërë figurash të shquara për heroizmin e lartë, por Mic Sokoli është një rast i rrallë frymëzimi.
Në betejën e Slivovës në afërsi të Shtimjes, në (prill 1881) kundër forcave osmane të Dervish Pashës, Mic Sokoli kreu një akt trimërie të rrallë duke i vënë gjoksin topit të armikut dhe ra heroikisht në fushën e betejës duke frymëzuar të gjithë luftëtarët.
Por a është e vërtetë krejt kjo çka thuhet e këndohet për Micin, apo rrëfimet kanë shkuar aq larg, saqë personaliteti i tij është mitizuar?
Historiani i njohur kosovar, Jahja Drançolli, si studiues i shkencave medievalistike dhe shkencave ndihmëse të historisë, konsideron se kolegët e tij nuk duhet të merren me historinë në të gjitha periudhat e veta.
“Si njohës i metodologjisë shkencore, disa personalitete të ndritshme të historisë tonë ndonjëherë janë ekzagjeruar. Këtej, është ekzagjeruar ndonjëherë edhe personaliteti i Micë Sokolit”, është shprehur Drançolli./lajmi.net
