Kur Apple lançoi aparatët e rinj celularë, rriti cilësinë e ekranit, kamerës dhe jetëgjatësinë e baterisë. Në thelb, iPhone XS është një iPhone X më i shtrenjtë dhe iPhonë XS Max është një iPhone X më i madh e më i shtrenjtë. Megjithëse dy smartfonët e rinj Apple nuk duket se kanë ndonjë ndryshim nga paraardhësi i tyre, krijuan zhurmën që kompania krijon gjithmonë. Një ekran dhe kamera me cilësi më të mirë nuk është tamam ajo çka na nevojitej. Por një bateri më jetëgjatë? Patjetër që po!
Por vërtetë, sa jetëgjatë do të jenë këto bateri?
Bateritë u testuan nga Tom’s Guide. Vazhdimisht i përdori celularët në maksimumin e ndriçimit (150 nits). 1 nits është i barabartë me ndriçimin e një qiriu në një metër katror. Kjo e fundit nuk ka lidhje me jetëgjatësinë e baterisë, por është një kuriozitet i këndshëm.
Si e përballuan iPhone XS dhe XS Max këtë?
iPhone XS Max punoi për më gjatë se OnePlus 6 dhe iPhone XS, por 1 orë e gjysëm më pak se Goggle Pixel 2XL. Por prisni, ky nuk është fakti më surpizues…
Siç pritej, iPhone XS nuk punoi aq gjatë sa iPhone XS Max. Kjo e fundit ka bateri më të madhe dhe dihej që do ta kishte edhe më jetëgjatë. Por iPhone XS punoi gati një orë MË PAK se iPhone X i vjetshëm! Apple tha që bateria e iPhone XS do të zgjaste 30 minuta më shumë se iPhone X. Ndoshta do të ishte më mirë të shmangej shpenzimi marramendës për iPhone-t e sivjetshme, e të shohim ç’do të rezervojë Apple sezonin e ardhshëm./Opinion.al
