Pas vendimit të Gjykatës së Lartë që 21 janarin ta hetojë SPAK, ka reaguar avokati i Aleks Nikës, një prej të vrarëve në ngjarjen e rëndë.
Avokati Idajet Beqiri u shpreh para gazetarëve se do të dorëzojë në SPAK audio-kasetën e 21 janarit.
Ai tha se më herët Prokuroria e Posaçme nuk e kishte marrë parasysh për ta shqyrtuar si provën kryesore për krimin e rëndë shtetëror ku u vranë 4 protestues.
“Ne i patëm thënë SPAK-ut se kishim edhe audio-regjistrimin që donim ta dorëzonim vetëm aty. SPAK-u nuk e kishte vullnetin as ligjor e as moral dhe nuk e pranoi fare.
Nuk e mori video-regjistrimin që ta analizonte dhe të na thoshte se kush e ka kompetencë hetimin. Pra një paragjykim ekstrem. Ne tani do e dorëzojmë patjetër regjistrimin menjëherë në SPAK sapo të thirremi”, u shpreh Beqiri./Opinion.al
