Kryetari i Partisë Demokratike Sali Berisha në daljen për mediat ditën e sotme u pyet nëse opozita do të bojkotojë parlamentin e ri në shtator. Në këtë konferencë para gazetarëve, ai deklaroi se çdo opsion sipas tij është në tavolinë, por në tërësi beteja në çdo front është opsioni më i pëlqyer.
“Do bojkotoni Parlamentin e ri?” u pyet nga gazetari.
Berisha deklaroi: “Çdo opsion është në tavolinë, por në tërësi beteja në çdo front është opsioni më i pëlqyer”
Ai ka theksuar edhe një herë synimin e vërtetë të opozitës, ku deklaroi se roli saj është mbrojtja, lufta me të gjitha mjetet që shqiptarët të votojnë të lirë.
“Mbrojtja, lufta me të gjitha mjetet që shqiptarët të votojnë të lirë.
Opozitë të vërtetë pa rikthyer votën e lirë vendi nuk mund të ketë. Opozita do të mobilizojë të gjitha potencialet e saj, tu rikthejë shqiptarëve votën e lirë”, deklaroi Berisha.
