Udhëheqësi i Kinës Xi Jinping tha të hënën se do të forcojë sigurinë kombëtare dhe do ta ndërtojë ushtrinë në një “mur të madh prej çeliku”, në fjalimin e parë të mandatit të tij të tretë precedent si president.
Duke folur në mbylljen e takimit vjetor të parlamentit të Kinës, Xi nënvizoi nevojën për të modernizuar tërësisht mbrojtjen kombëtare dhe ushtrinë.
“Ne duhet të ndërtojmë Ushtrinë Çlirimtare Popullore në një mur të madh prej çeliku që mbron në mënyrë efektive sovranitetin kombëtar, sigurinë dhe interesat e zhvillimit”, u tha Xi gati 3,000 delegatëve të Kongresit Popullor Kombëtar (NPC).
Xi, 69 vjeç, u miratua unanimisht nga NPC si president i Kinës për pesë vjet të tjera në një votim koreografik dhe ceremonial të premten, duke e bërë atë kreun më jetëgjatë të shtetit të Kinës komuniste që nga themelimi i saj në 1949.
Në fillim të fjalës së tij të hënën, Xi falënderoi delegatët për riemërimin e tij.
“Kjo është hera e tretë që marr postin e lartë si president. Besimi i njerëzve është forca më e madhe shtytëse për mua për të ecur përpara dhe gjithashtu një përgjegjësi e rëndë mbi supet e mia”, tha ai./Opinion.al
