Presidenti, Bajram Begaj, ka reaguar pas vendimit të Këshillit të Ministrave të Bashkimit Europian për liberalizimin e vizave për Kosovën jo më vonë se 1 janari i vitit 2024.
Pwrmes një postimi në rrjetin social “Facebook”, Begaj uroi që ky proces tw mbyllet sa mw shpejt dhe qw qytetarët e Kosovës të ndihen si gjithë qytetarët e tjerë të Ballkanit Perëndimor.
“Përshëndes hapin e rëndësishëm të ndërmarrë nga Këshilli i Bashkimit Evropian lidhur me lëvizjen e lirë, pa viza te qytetarëve të Kosovës ne hapësirën Shengen! Uroj që ky proces të përmbyllet sa më shpejt dhe qytetarët e Kosovës të ndjehen njësoj si qytetarët e tjerë të Ballkanit Perëndimor! Një vendim shumë i merituar!”-shkruan Begaj.
Ministrat e Brendshëm të 27 vendeve të Bashkimit Evropian miratuan sot vendimin për liberalizimin e vizave për Kosovën në takimin e Këshillit të Punëve të Brendshme në Bruksel.Sipas këtij vendimi, data e nisjes së liberalizimit të vizave për qytetarët e Kosovës do të jetë koha kur të jetë tërësisht funksional sistemi i autorizimit dhe verifikimit të udhëtimeve (ETIAS), apo jo më vonë se 1 janari i vitit 2024./Opinion.al
