Kryeministri Rama ka reaguar pas vendimit të Këshillit të Ministrave të Bashkimit Europian për liberalizimin e vizave për Kosovën jo më vonë se 1 janari i vitit 2024.
Në një status në rrjetet sociale, Rama teksa uron Kosovën dhe BE, thotë se ky është një hap i vonuar.
“Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Europës!
Urime jo vetëm Kosovës, po edhe Bashkimit Europian.”- shkruan Rama.
Ministrat e Brendshëm të 27 vendeve të Bashkimit Evropian miratuan sot vendimin për liberalizimin e vizave për Kosovën në takimin e Këshillit të Punëve të Brendshme në Bruksel.Sipas këtij vendimi, data e nisjes së liberalizimit të vizave për qytetarët e Kosovës do të jetë koha kur të jetë tërësisht funksional sistemi i autorizimit dhe verifikimit të udhëtimeve (ETIAS), apo jo më vonë se 1 janari i vitit 2024./Opinion.al
