Policia ka dhënë detaje për ngjarjen e rëndë që tronditi vendin këtë të mërkurë në Paskuqan, ku ish-dhëndri Dan Hutra, ka qëlluar me armë zjarri familjen e ish-bashkëjetueses në Paskuqan.
Sipas uniformave blu, autori ka vrarë motrën e ish- bashkëjetueses Mevlute Hysa 30 vjeçe dhe nusen e vëllait të ish-bashkëjetueses Hasime Dafku 30 vjeçe, ndërsa ka plagosur ish-bashkëjetuesen dhe ish-vjehrrën.
“Më datë 01.03.2023, rreth orës 12:30, në rrugën “Rustem Haklaj”, në Kodër-Kamzë, shtetasi Dan Hutra, rreth 40 vjeç, ka plagosur me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri shtetaset, Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses). Autori i dyshuar është shpallur në kërkim dhe vijon puna për kapjen e tij. Do të ndajmë me publikun foton e autorit të dyshuar dhe mirëpresim çdo informacion për vendndodhjen e tij. Autori i dyshuar është arrestuar për dhunë në familje në datën 16.06.2022, dhe është liruar me datë 16.02.2023. Më parë, ai ka qenë i dënuar për vrasjen e bashkëshortes së tij, ngjarje e ndodhur në vitin 2007, në Kukës”, thotë policia.
