Pronari i Twitter dhe Tesla, Elon Musk, edhe njëherë është shpallur njeriu më I pasur në botë dhe kjo falë rritjes së vlerës së aksioneve të Tesla. Pasuria e Musk ka arritur në 24 orët e fundit në 187 miliardë dollar, pasuri neto. Që prej janarit të këtij viti, pasuria e miliarderit është rritur me 50.1 miliradë dollar, sipas Indeksit të miliarderëve të Bloomberg.
Në këtë mënyrë, 51-vjeçari, ka tejkaluar për pasurinë, miliarderin tjetër, themeluesin e brand-it luksoz, Louis Vuitton, Bernard Arnault, i cili ka një pasuri prej 185 miliardë dollarësh, 2 miliardë më pak se Musk aktualisht.
Vlera e aksioneve të Tesla-s u rrit ndjeshëm, me thuajse 100% këtë janar, falë uljes së çmimit të automjeteve dhe rritjes së kërkesës nga investitorët.
Musk dhe Arnault, mbeten në krye të listës së më të pasurve në botë, duke lënë pas Jeff Bezos, themeluesin e Amazon, themeluesin e Microsoft Bill Gates dhe miliarderin investitor Uarren Buffett, që kanë respektivisht pasuri neto prej 117, 114 dhe 106 miliardë dollarë.
