Ministrja për Marrëdhëniet me Shtetin dhe Parlamentin, Elisa Spiropali në seancën e sotme në Kuvend ka akuzuar deputetët e PD-së se po mbrojnë një non-grata duke bllokuar foltoren.
Spiropali tha se ndaj kryeministrit Rama nuk ka asnjë çështje në SHBA, dukë thënë se opozita është e lirë të trillojë.
“Duan sot të hetohen krime që ekzistojnë vetëm në kokën e tyre. Nuk ka një çështje që i takon kryeministrit as në SHBA dhe askund. Ju jeni të lirë të trilloni. Ne nuk e kemi vënë kurrë në diskutim zhvillimin e një mocioni me debat për t’i vënë kapak kësaj historie që nuk ka lidhje me ne por me situatën tuaj të brendshme . Jeni kthyer në ndihmësa të non-gratë dhe në njerëz që i mbani qiririn një njeriu që nuk do të ketë më kthim”, tha ajo./Opinion.al
