Reshjet e dëborës, 13 shkolla nuk do të zhvillojnë mësim ditën e hënë

Ministrja e arsimit Evis Kushi ka njoftuar se për shkak të motit të keq, 13 shkolla në qarkun e Shkodrës nuk do të zhvillojnë mësim ditën e hënë.

Nëpërmjet një postimi në rrjetet sociale, Kushi bën me dije se shkollat të cilat nuk do të fillojnë mësim ndodhen Pult, Shosh dhe Shalë, vende ku dhe situata është më e rënduar nga reshjet e dëborës.

Sipas ministres, gjatë gjithë fundjavës strukturat arsimore, së bashku me bashkitë, kanë qenë në terren fundjavës për të marrë të gjitha masat e nevojshme për një fillim sa më të mbarë të procesit mësimor.

Postimi i ministres Kushi

Të dashur nxënës, prindër dhe mësues,

Strukturat tona arsimore, së bashku me bashkitë, kanë qenë në terren gjatë gjithë fundjavës për të marrë të gjitha masat e nevojshme për një fillim sa më të mbarë të procesit mësimor ditën e hënë.

Fatmirësisht, pjesa më e madhe e shkollave ku u ndërpre mësimi javën e kaluar janë kthyer në normalitet, përveç 13 shkollave në disa njësi administrative të Shkodrës (Pult, Shosh dhe Shalë), ku për shkak të situatës së rënduar nga reshjet e dëborës, procesi nuk mund të fillojë ditën e hënë.

1. Shkolla e Mesme e Bashkuar “Mehmet Shpendi”, Shalë,
2. Shkolla 9-vjeçare “Giman”, Shalë,
3. Shkolla 9-vjeçare “Theth” Shalë,
4. Shkolla 9-vjeçare “Don Prek Ndrevashaj”, Shosh,
5. Shkolla 9-vjeçare “Palaj”, Shosh,
6. Shkolla Fillore “Nicaj”, Shosh,
7. Shkolla 9-vjeçare “Kir”, Pult,
8. Shkolla Fillore “Kasnec”, Pult,
9. Shkolla Fillore “Pog”, Pult,
10. Shkolla 9-vjeçare “Bruçaj”, Pult,
11. Shkolla 9-vjeçare “Plan”, Pult,
12. Shkolla Fillore “Maja Thanës”, Pult,
13. Shkolla 9-vjeçare “Xhan”, Pult.

Mbetemi të angazhuar maksimalisht me strukturat tona arsimore, duke besuar fort edhe në bashkëpunimin sa më të ngushtë me njësitë administrative përkatëse të Bashkisë Shkodër, që të punojmë së bashku për rikthimin sa më shpejt në normalitet edhe në këto shkolla. Faleminderit për mirëkuptimin!/ Opinion.al